رايب بالفواكه على الطريقة المغربية + صور
السلام عليكم و رحمةالله وبركاته
بداالجو كيسخن وانا نجيب ليكم طريقة تحضير الرايب بالفواكه غادي تجربيه و تدعي معايا دعوة خير .
راه بان ليا غادي نبقاو حتى يسدو كل الحوانت
السفناجة و الباتيسري .... ههههههه
* المقادير :
- 1لتر حليب
* 1 لتر ماء دافئ
* دنون فاني
* نيدو صغير او ما يعادل كاس عنبة نيدو
* كاس و ربع سنيدة
-- الفواكه : قطعي الفواكه الموجودة عندك الى اطراف .
الطريــــــــــــــــقة : ديري الحليب يفيض .خلطي الماء دافئ و دنون و السكر ونيدو في الملنكس
من بعد ديري الخليط في الكوكوت و ضيفي ليه
الحليب فايض و خلطي بملعقة و سدي الكوكوت
و غطيها جيدا و خليها تبقى ليلة كاملة بلا ما تحركيها و بلا
ما تفتحي عليها .
في الغد هزي بالملعقة كبيرة الرايب و ديريه في كؤوس او زليفات .
و زيدي فوقه الفواكه مقطعة و زيدي اللوز اوالزبيب
و دخليه الثلاجة حتى يبرد .
و عندالتقديم صبي القليل من السيرو و هانتي صاوبتي
رايب بالفواكه الذ و احلى .
وصفة رائعة تسلم الايادي و رمضان كريم
ردحذفشكرا لك اكثر من رائعة وصح فطورك
ردحذف